Tunisia - Tunis

由香港乘Air France 搭了12個小時到巴黎再搭了幾個鐘才到我從未去過的 North Africa – Tunisia (突尼西亞) 。心情既興奮又緊張，不知北非會是一個什麼地方。一出機場便感覺到猛烈的陽光，很想快D乘的士涼冷氣，拖著行李的我慢慢行去Taxi Station，跟著有一位突尼西亞人主動幫我搬行李到的士去，我以為佢係司機，原來佢唔係，重要求我地俾10 Dinar 佢 (10 Dinar = MOP60) ，我當然 say ‘no’ ，佢幫我地拖行李的路程不需1分鐘，幾經爭執下，他們似恐嚇般，最後怕麻煩便俾了3Dinar。First impression 覺得佢地成日搵遊客笨!

好了，可以上車嘆冷氣，點知司機唔開冷氣! 成36-37度都唔開!我想問司機可唔可以開冷氣，但見沿途的的士全部都唔開，所以打銷了念頭。雖則開了窗，窗外只見一片茫茫的泥地，又熱又焗又沙塵滾滾。

到達酒店 The Carlton Hotel後才感到法式風情，酒店外面可看到很多突尼西亞人在露天茶座嘆咖啡，而整條馬路Avenue Bourguiba很似 Champs-Elysées (香榭麗舍大街)，畢竟是前法國殖民地，環境及文化也有一定的相似。

酒店房還可以，只是冷氣不足，有冷氣等於冇冷氣，在36度的高溫下，我只好經常洗手或沖涼降溫，或保持平心靜氣唔郁。 最欣慰的是有個法式露台可望到Avenue Bourguiba及下面的露天茶座，看著途人的一擧一動分外寫意。