箱根之旅2008 – 住宿

到達強羅車站便看地圖搵酒店的位置，原來就係咁近，向右望就係 --- 季之湯 雪月花。

經多日的搜尋資料，決定出發前一個月send e-mail 去小田急旅遊服務中心預訂一晚有私人露天檜木風呂可容納2-3名 的36平方米和洋室 (每人￥23,000) ，包早晚餐及免費使用各溫泉風呂、岩盤浴等。房內設備齊全，唔駛帶牙膏、牙刷、沖涼液、護髮素、拖鞋等；重有免費寬頻及泡茶用具。

2點到酒店check-in 後想出發去觀光，點知落雨，而且3點後先有房，又肚餓，就去左對面間拉麵店食lunch。吃了正宗的拉麵(￥1,000)，個鍋係燙手ga!喺澳門嗰d多數唔係。

食完lunch就返酒店預訂5點鐘使用岩盤浴 (要趁早，否則好快冇位)，之後去酒店內的商店選擇免費借用的浴衣 (yukata) ，有很多款式，我們就要左下面嗰兩個:

3點了，有房啦，出面又落雨，決定喺酒店嘆個夠，加上比左成￥23,000住一晚，當然要用盡酒店的設施啦。入到房，很有傳統日本家的感覺，休息一會兒後就沖個涼，著住房內提供做「岩盤浴」的 “作務衣”然後拿房內的藤籃(內有兩條毛巾)落去 “岩盤浴”。「岩盤浴」的設施是將天然的礦石~~~「神黑石」溫熱，礦石岩盤會自然放射豐富的遠紅外線及負離子。睡在岩盤上，會有自然的指壓效果，溫熱可滲透到體內，可將多餘分子連同汗水一起流出，促進新陳代謝，維持身體健康。

之後就去浸溫泉，沿途看見一盤「益力多」，是免費供給旅客的，讚! 我們浸了幾個大眾溫泉之後想去私人的，可惜三間都著了燈，即有人使用，就返房。泡完溫泉坐在露台的椅上嘆杯熱茶看景色，人生最寫意莫過於此。

Yokoso! Japan Weeks 2009 ------ 1月20 – 2月28日有優惠

住宿費用9折優惠、還贈送鑲有遊客紀念照片的日曆 (需出示YJW宣傳手冊或網路優惠券) 。